Mi tre ŝatas mian novan tason kun la tri flagoj al kiuj mi sentas identecon 😊

Ardour estas mirinde bona programo por fari podkastojn.

@uxintro @trinukso Hm, domaĝe. Eble vi povus provi la ligilon de RSS kiun Trinuks’ sendis.

Mi provis aldoni la podkaston al la datumbazo de iTunes sed mi ne certas ĉu tio funkciis :/

Se vi estas homo kun oreloj eble vi ŝatus nutri ilin per ĉi tiu podkasto soundcloud.com/pluranoj/privil

@JonnyKreas Estas ne tre klare ĉu ĝi estas fumilo aŭ seksludilo por la pugo 🤔

Oni oficiale solvos la debaton pri ĝiismo per ĉi tiu demando ĉe StackExchange. Ĉiu devas voĉdoni inter la respondo de Cyril kaj mia respondo kaj tiu kiu venkos estos oficiale aprobita de la Akademio. esperanto.stackexchange.com/qu

@makyo Estas nova grupo ĉe Telegram por peti provlegadon. Mi ankaŭ suspektas ke unu el la kreintoj estas felano :) egalecen.org/2019/03/12/kiel-k

@Mallabori Ĉu vi konsideris uzi la retpaĝon version? Ĝi funkcias sufiĉe bone kaj ne necesas instali ion web.telegram.org

Jen finfine bona uzo de la vorto «rockstar» por priskribi iun kiu estas sukcesa pri sia fako (li laŭvorte ankaŭ faras rokmuzikon)

Kiam oni estas en brua loko kun multe da homoj kiuj parolas, ĉu havas sencon ke ĉiu komencas paroli pli laŭte por esti aŭdata? La pli laŭtaj voĉoj nur kontribuas al la bruo kaj devigas ĉiujn paroli eĉ pli laŭte. Eble Elon Musk aŭ Dyson povus inventi ian teknologiaĵon por solvi tiun gravan problemon.

Neil boosted

Mi vekiĝis ĉi-matene sonĝinte ke mi devis (denove) fari ekzamenon de la franca. Mi ne sukcesis skribi respondon ĉar amiko senĉese parolis al mi, kaj poste mi perdis la paperon en la malordon sur mia tablo. Mi provis serĉi ĝin en mia sako sub la tablo sed ĝi estas eĉ pli plena je malordaĵoj kiuj ial komencis disvastiĝi ĉie. Mi serĉadis ĉie kaj trovis skatolon de butero en la sako kaj ĝi malfermiĝis kaj kovris la paperojn en la sako. Tiam la ekzamenisto anoncis la tempolimon kaj mi panike vekiĝis.

Neil boosted
Neil boosted

Mi iris al la muzeo de lingvoj ĉe Parizo. Ĝi estis tre interesa! Ili havas grandan tapiŝon kiel tabulon por Skrablo kun litertegoj de multaj lingvoj inkluzive de esperanto. Mi ŝatus reveni iam kaj ludi. Bedaŭrinde mi ne povis resti tre longe kaj mi maltrafis multe.

La ĉefrolulo loĝas apud «urbego», sed ĝi fakte sufiĉe klare temas pri Parizo. Mi eĉ ŝatis la memorigon ke estas muzeo pri lingvoj tie kiun mi volas viziti :) Mi ankaŭ ĝuis la malfermitecon pri diversaj tipoj de amo kaj seskemo. Mi trovis la finon tre ĉarma sed ankaŭ ŝajnis al mi ke ĝi ne multe kongruis kun la cetero de la rakonto, kvazaŭ Vanege decidis ke tiam estas la momento fini la libron kaj simple algluis ĝin tie. Resume la libro plaĉis al mi kaj mi rekomendas legi ĝin.

Mi legis la libron de Vanege. Mi trovis ĝin facile legebla kaj ĝi estas skribita en bona atentokapta stilo. La romano tre bone priskribas la esperantan kulturon, kun kaj ĝiaj bonaj flankoj kaj ĝiaj frustigoj. Estas bone havi verkaĵojn kiuj ne nur estas en Esperanto sed ankaŭ al kiuj esperantistoj povas kunsenti. Mi tamen foje havis la impreson legi personan taglibron pri la vivo de Vanege anstataŭ fikcia historio. […]

medium.com/@Vanege/juna-amser%

Show more
esperanto.masto.host

Bonvenon! Malferme al ĉiaj kaj ĉiuj respektemaj esperantistoj.